| Eo Feasa |
|
Dia dhuit, a Eoin. |
| Eoin |
Dia's Muire dhuit, a Bhreandáin. |
| Eo Feasa |
Tá
tú tar éis éirí as do phost? Conas atá
agat? |
| Eoin |
Tá. Táim go hiontach, buíochas le Dia.
|
| Eo Feasa |
An airíonn tú uait an obair? |
| Eoin |
Muise! Ní airím. Airím uaim comhluadar
na múinteoirí eile agus airím uaim an spraoi leis na
daltaí sa rang ach ní airím uaim an t-amchlár
is an smacht is an obair iar-ranga, an t-ullmhúchán is an
ceartúchán. |
| Eo Feasa |
An dtaitníonn an saol atá anois agat leat? |
| Eoin |
Taitníonn go mór. Tá sláinte mhaith
agam buíochas le Dia agus cuirim suim in an-chuid rudaí
difriúla. Léim na páipéir nuachta. Téim ar
an idirlíon agus bím ag comhrá le cairde ar fud an
domhain. Téim chuig an tábhairne le mo chairde anois is
arís. |
| Eo Feasa |
Cloisim go seinneann tú ceol? |
| Eoin |
Seinnim. Is maith liom an bheidhlín agus táim
le blianta fada ag iarraidh í a sheinm. Nílim ró-mhaith
chuige ach is breá liom an comhluadar a ghabhann leis an gceol.
Tugann sé leithscéal dom dul ar fud an domhain ag seinm
le grúpaí ceoil. |
| Eo Feasa |
Caithfidh go bhfuil tú go maith mar sin. |
| Eoin |
Nílim ró-dhona. |
| Eo Feasa |
Conas a chaitheann tú an lá? |
| Eoin |
Éirím go moch gach maidin. Timpeall a hocht
a chlog. Ullmhaím bricfeasta dom féin agus don chlann. Uaireanta
is í mo bhean a ullmhaíonn an bricfeasta. Téim
chuig an ríomhaire ansin tar éis an bhricfeasta agus léim
na ríomhphoist |
| Eo Feasa |
Cad a dhéanann tú ina dhiaidh sin |
| Eoin |
Suím isteach sa charr agus tiomáinim liom
go dtí an t-ionad siopadóireachta mór atá tuairim
is cúig mhíle uainn. Gleann na Life. |
| Eo Feasa |
An gceannaíonn tú mórán? |
| Eoin |
Brathann sé ar an lá. Uaireanta ceannaím
soláthairtí an tí don tseachtain. Uaireanta eile ní
cheannaím ach roinnt sólaistí as Marks and Spencer.
Bíonn trataí áille agus rudaí deasa eile acusan
nach mbíonn ar fáil coitianta. Bíonn rogha iontach
sna siopaí anseo. |
| Eo Feasa |
Cad faoin lón? |
| Eoin |
Uaireanta caithim an lón amuigh ach ní ithim
mórán. Caithfidh mé bheith ag faire ar mo mheáchan
deirtear liom. Faraor géar. |
| Eo Feasa |
An dtugann tú fón póca leat? |
| Eoin |
Tugaim! Mo léan! Cuirim mo mhallacht air mar
fhón póca. Is minic a bhuaileann sé ag tráth
mí-oiriúnach. |
| Eo Feasa |
An bhfuil aon obair ar siúl agat? |
| Eoin |
Níl mórán. Scríobhaim corr-alt don
raidio nó do na nuachtáin agus bím ag cleachtadh liom
ar an bheidhlín ar feadh uair nó dhó gach lá.
Sin mar a chaithimse mo shaol na laethanta seo. |
| Eo Feasa |
Go raibh maith agat as mo chuid ceisteanna a fhreagairt.
|
| Eoin |
Tá fáilte romhat. |