Family
  • gléasadh/ éadaí a bhaint/ níochán/ fiacla a scuabadh 
  • bróga/ éadaí a cheangal agus a oscailt 
  • a s(h)rón a shéideadh 
  • scian/ forc/ spúnóg/ cupán/ muga a úsáid 
  • a c(h)uid giúirléidí fhéin a aithint 
  • a (h)ainm, a s(h)eoladh agus a (h)uimhir ghutháin féin a bheith ar eolas 
  • an leithreas a úsáid gan cúnamh 
Le cúnamh uaitse, beidh tú pháiste in ann máistreacht a fháil go héasca ar chuid mhaith de na scileanna seo. Agus gléasadh ar siúl, lig do do pháiste rogha a dheanamh idir dhá gheansaí/ léine/ treabhsair/ sciorta/ gúna / Bí ag caint ar an dath a roghnaíodh agus a fáth a bhí leis / Cuidigh le do pháiste a (h)ainm féin a aithint trína c(h)uid éadaí a mharcáil le lipéid nó le peann / Gríosaigh do pháiste le leas a bhaint as scian, forc nóspúnóg agus é/í ag ithe agus le cupán nó muga a úsáid agus é/í ag ól. 

Scileanna iad seo a chuideoidh le do pháiste a bheith muiníneach as/aisti fhéin agus a bheith neamhpleách.
  • Bígí ag léamh i dteannta a chéile, scéalta simplí le cló mór agus pictiúirí daite más féidir 
  • Bí ag casadh amhráin agus ag rá rannta le do pháiste 
  • Gabh ag siopadóireacht in éineacht 
  • Bíodh do pháiste ag cuidiú leat agus sibh ag déanamh liosta de na nithe atá le ceannach agus déanadh sé/sí a liosta féin 
  • tabhair roinnt airgid do do pháiste leis na nithe atá ar a liosta seisean/ sise a cheannach 
  • bí cúramach faoi áiteanna trasnaíle marcáilte a úsáid agus sibh ag trasnú an bhóthair
  • nuair nach bhfuil áit trasnaíle marcáilte ar fáil, trasnaigh an bóthar i bhfad ó charranna parcáilte, cúinní etc. 
  • iarr ar do pháiste a bheith i bpáirt leat agus tú ag réiteach bia agus bí ag caint ar a bhfuil ar siúl agaibh 
  • gríosaigh do pháiste le bheith ag spraoi le huisce, sa bhfolcadh, ag níochán soithí etc. 
  • gríosaigh do pháiste le bheith ag spraoi taobh amuigh agus le bheith ag cuidiú leat sa gháirdín 
  • má tá tú in ann gaineamh a chur ar fáil sa gháirdín nó in áit eicint eile, gríosaigh do pháiste le bheith ag spraoi leis 
  • bígí ag comhrá lena chéile, éist lena bhfuil le rá ag do pháiste agus gríosaigh é/í le héisteacht leatsa 
  • bíodh do pháiste páirteach in imeachtaí laethúla ar nós glanadh suas, bord a leagan etc.
  • tabhair do pháiste leat le cuairt a thabhairt ar chairde a bhfuil páistí den aois chéanna acu agus iarr orthusan cuairt a thabhairt oraibhse 
Gníomhaíochtaí luachmhara iad seo a chothóidh caidreamh maith idir pháiste agus tuismitheoir. Cuimhnigh gur annamh a bheas na deiseanna sin arís agat.
Féadfaidh tú cuidiú le foghlaim do pháiste trí é/í a bheith rannpháirteach i do chuid imeachtaí laethúla; bí ag comhrá leo faoina bhfuil ar siúl agaibh; tarraing aird ar a dtimpeallacht; comhairaigh na busanna, na trucail agus iad ag dul thar bráid; pléigh dathanna, cruthanna, méid, ainmneacha, uimhreacha leo. Tarraing aird ar thithe, ar shiopaí agus ar fhoirgnimh éagsúla, gríosaigh iad lena dtimpeallacht láithreach a thabhairt faoi deara agus na hathraithe laethúla, seachtainiúla nó séasúrtha a thagann uirthi. Cuid lárnach d'fhoghlaim do pháiste í seo agus cothóidh sé dearfacht sa chaidreamh eadraibh chomh maith. 

Ta an taithí saoil a chuireann tú ar fáil do do pháiste sa bhaile rí-luachmhar agus cuidíonn siad le scileanna smaointe agus réasúnaíochta do pháiste a leathnú - rud a chothaíonn muinín iontu as a gcumas féin agus a chuireann ar a gcumas meabhar a bhaint as a dtimpeallacht.
If you require a printed version of the above leaflet please email us.

Back to top
This project is being supported by Area Development Management Ltd. and the Combat Poverty Agency through the E.U. Special Support Programme for Peace and Reconciliation and the North Eastern and North Western Health Board. 

P&R logoNWHB LogoNEHB logo