Smaointe Polaitíochta
le Proinsias Mac Aonghusa
|
Feasta
na míosa seo
|
De réir a lán foinsí sé seo séasúr na seafóide maidir le cúrsaí poiblí,
nuachta, polaitíochta agus saoil. Is dóigh gurb é séasúr na saoire é leis an
gceart a dhéanamh, dóibh siúd a chaitheann saol atá leagtha amach go néata
agus a mbíonn tréimhse cinnte saoire acu. Ach ná déan dearmad de gur i
Lúnasa 1914 a thosnaigh an Cogadh Mór, agus gur i Lúnasa na bliana 1969 a
thosaigh an chogaíocht sna Sé Chontae. Agus is i mí Lúnasa 1649 a tháinig
Oilibhéar Cromaill chun na tíre seo. Is i mí Lúnasa, freisin, sa bhliain
1882 a tharla maraithe gránna Mhám Trasna. Thairis sin ar fad, nach ar an 21
Lúnasa 1970 a bunaíodh an SDLP agus Gerry Fitt mar cheannaire air?
Meastú an bhféadfadh an dáta áirithe sin a bheith in intinn an dream
spéisiúil dlíodóirí, lucht páipéar nuachta, ailtirí agus eile a ndeirtear
fúthu go bhfuilid ar tí páirtí nua polaitíochta a bhunú?
Tá roinnt ann a shíleann gurb é sin díreach ainm an pháirtí, An Páirtí Nua.
Ní drochainm é. Is fíor gur sin an t-ainm a thug Sir Oswald Mosley ar a
pháirtí féin i dtús na dtríochaidí, An Páirtí Nua - ach b¹shin i dtír eile.
Tar éis an tsaoil nár thug Deasún Ó Máille an t-ainm Progressive Democrats
ar a dhream féin sa bhliain 1985, cé gur páirtí den eite dheis a bhí
aigesean, agus páirtí den eite chlé a bhí ag Noel Browne agus Jack McQuillan
nuair a bhunaigh siadsan na National Progressive Democrats. Thiocfadh dó
nach bhfuil an oiread tábhacht in ainm is a síleadh tráth.
Ní móide go mbaineann cóipcheart le hainm páirtí a bhíonn imithe leis an
ngaoith. Ar chaoi ar bith nach mór an spórt caint a bheith ann faoi pháirtí
nua? Níl fhios agam mórán faoin té a ndeirtear é a bheith á chur ar bun,
Colm Mac Eochaigh. Cá bhfios nach mbeidh trácht mhór air fós?
Sé Colm is cionn tsiocair le beart a dhéanamh a thug imeachtaí aite a bhain
le hairgead, tógáil, vótáil Chomhairle Contae, agus ceangail aisteacha
chairdis chun solais. Is fíor nach bhfuil a dhath cruthaithe os comhaire
cúirte agus nach bhfuil aon chúiseanna dlí i gceist go fóill. Mar sin féin,
is léir go raibh nithe éigin as bealach ag tarlú ar feadh tamaill fhada scór
bliain ó shin i gContae Átha Cliath, agus murach a ndearna Colm Mac Eochaigh
go dtiocfadh dó nach mbeadh fios go deo orthu. Is duine é atá le moladh.
Is i Scoil Lorcáin agus i gColáiste Eoin, institiúidí Gaeilge, a cuireadh
oideachas air. Is dóigh mar sin go bhfuil Gaeilge aige, bua a d¹fheilfeadh
d¹aon chinnire páirtí.
Go hiondúil níor ghá an oiread sin aird a thabhairt ar luaidreáin go
mb¹fhéidir go mbunófaí páirtí úr. Ach tá an saol polaitíochta athraithe.
D¹éirigh leis an Daonlathas Clé agus gan aige ach sé shuíochán i nDáil
Éireann a bheith i Rialtas agus ceithre theachta dá chuid a bheith sa
Chomhaireacht. D¹éirigh níos fearr fós leis na Daonlathaigh sa bhliain 199 .......
|
| ![.]() |
![.]() |
![.]() |
|
|
< feasta ar an idirlín >
|