Cnoc Mhuire- An Scéal

In Éirinn téann daoine go Cnoc Mhuire chun onóir a thabhairt don Mhaighdean Mhuire. Sa bhlian 1879 ní raibh clú ar Chnoc Mhuire- sráidbhaile beag i gContae Mhaigh Eo. Daoine bochta gan aon scolaíocht a chónaigh anseo and bhí taithí acu ar ghorta, ar dhíshealbhú agus ar an ghéarleanúint.

Gnáth lá Samhraidh i gContae Maigh Eo a bhí ann ar an 21ú lá de Lúnasa 1879. Bhí na daoine ag obair ar an bportach agus sna páirceanna. Bhí an ghrian ag taithneamh i rith na maidine. Ag an mheán lae bhí ceobhrán ann ach sa tráthnóna bhí sé ag stealladh báistí. Fliuchadh an sagart paróiste go craiceann nuair a bhí sé amuigh. Shuigh sé cois na tine ag triomú a chuid éadaigh. I dteach os comhair an tséipéil bhí seanbhean, bean Mhic Chathmhaoil, ag comhrá leis an mbás. Gar léi bhí clann Uí Bheirn ina gcónaí. Go gairid roimhe seo bhí bean Uí Bheirn agus a hiníon tar éis filleadh ó bheith ar saoire in aice na farraige.

Go luath tar éis a seacht a chlog sa tráthnóna bhí solas neamhghnách le feiceáil ar thaobh an tséipéil. Ansin cheap bean go bhfaca sí daoine istigh sa tsolas ach shíl sí gur dealbha nua don tséipéil a bhí iontu agus níor bhac sí leo a thuilleadh. Nuair a bhí Máire Ní Bheirn ag siúl thar an séipéil chonaic sí go raibh na "dealbha" ag gluaiseacht! "Sin an Mhaighdean Bheannaithe" a dúirt sí.

Bhrostaigh Máire chun an bhaile agus ghlaoigh sí ar a clann. Níor chreid a deartháir, Doiminic, an méid a bhí le rá aici. D'iarr Máire air féachaint chuige é féin. Lean Doiminic, a mháthair agus cailín óg Máire go dtí an séipéil. Chonaic siad uile go raibh an ceart ag Máire. Go hiomlán chonaic cúigear déag an radharc ag binn an tséipéil. Chonaic siad an Mhaighdean Muire ina seasamh seasca ceintiméadar os cionn na talún. Bhí éadaí bána uirthi agus iad ceangailte ag a muinéal. Bhí coróin órga ar a cean agus rós os cionn a clár éadain. Ar thaobh amháin den Mhaighdean bhí Naomh Iósaef ina sheasamh agus ar an taobh eile di bhí Naomh Eoin, an soiscéalaí, agus leabhair an tsoiscéil ina láimh aige. Níor labhair éinne de na naoimh. Taobh thiar díobh bhí altóir le feiceáil. Ar an altóir bhí uan agus crois mhór agus bhí aingil ag eitilt thart timpeall orthu. Bhog na figiúirí chun tosaigh agus ar ais arís. Bhí an ghrian ag dul faoi an t-am ar fad ach d'fhan solas geal timpeall ar na figiúirí. Bhí sé ag stealladh báistí an t-am ar fad, freisin, ach níor fhliucadh na figiúirí ach oiread. Láimhsigh Bríd Trinse an talamh faoi na figiúirí agus bhí sé sin tirim freisin.

Seacht seachtaine ina dhiaidh seo chuir ardeaspag Thuama coimisiún fiosrúcháin ar bun. Cúigear déag a labhair os comhair an choimisiúin agus ag a dheireadh fuarthas go raibh a bhfianaise "fíreannach agus sásúil". Sa lá atá inniu ann ta clú agus cáil ar Chnoc Mhuire. Sa bhlian 1974 bheannaigh ardeaspag Thuama bunchloch do bhaisleach nua in gCnoc Mhuire. Tá áit sa bhaisleach seo do chúig mhíle dhéag duine. Mórthimpeall na baislice tá tríocha a dó colún- colún do gach contae sa tír. Tugann na mílte cuairt ar Chnoc Mhuir gach blian chun omós a thabhairt don Mhaighdean Mhuire.

Teidil Mhuire

Cabhraigh leis na daltaí smaoineamh a dhéanamh ar theidil Mhuire. Cuid de na teidil is coitianta ná:

Muire, Máthair Íosa, Máthair Dé, An Mhaighdean Bheannaithe,
Banríon na bhflaitheas, srl.

Coróin Mhuire - An Paidrín

Na Rúndiamhra Áthasacha Teachtaireacht an Aingil Cuairt Mhuire ar Naomh Eilís Breith ár d'Tiarna Íosa Críost An Toirbhirt sa Teampall Íosa i measc máistrí an teampaill

Na Rúndiamhra Brónacha Anbhroid Íosa sa gháirdín Sciúirseáil Íosa Corónú Íosa le deilgne Íosa ag iompar na croise An Céasadh

Na Rúndiamhra Glórmhara

1. Aiséirí ár d'Tiarna
2. Deasgabháil ár d'Tiarna
3. Tuirlingt an Spioraid Naoimh
4. Deastógáil na Maighdine Muire
5. Corónú Mhuire mar bhanríon na bhflaitheas

Altóir Na Maighdine

Tá áilleacht faoi leith le feiceáil i rith mí Bhealtaine. Cuireann an áilleacht seo áilleacht na Maighdine Muire i gcuimhne dúinn. Ní haon inadh mar sin go dtugtar an teideal "Banríon na Bealtaine" don Mhaighdine. Ag am seo na bliana ta nós ann altóir a chruthú don Mhaighdean Mhuire- sa bhaile nó ar scoil. Cuirtear bláthanna ar an altóir seo agus cantar iomainn in onóir na Maighdean Muire.