Lonnaithe i gaeltacht na Rinne, sé Nemeton ar cheann de na comhlachtaí léirithe teilifíse is mó sa tír. Bunaíodh é i 1993 agus anois tá 25 ag obair go lán-aimseartha agus an méid céanna ag obair ar bhonn rialta páirt-aimseartha.

Is comhlacht eisceachtúil é Nemeton sa mhéid is go bhfuil a ásieanna teicniúla féin aige. Maraon le hoifigí léirithe, tá stiúideo craolta, aonad so-ghluaiste craolta (OB), aonad saitilíte, 4 sheomra eagarthóireachta, graificí, agus go leor eile lonnaithe i gceannáras an chomhlachta i nGaeltacht na Rinne, Co. Phort Láirge.

Déanann Nemeton raon leathan cláracha do chraoltóirí éagsúla.

Is do TG4 is mó a léirítear na cláracha, ina measc formhór spórt beo an stáisiúin: GAA Beo (iomáint agus peil BEO gach Domhnach), Ard San Aer (buacphoinntí iomána agus peile gach Luan), Rugbaí Beo (An tSraith Cheilteach agus Cluichí Idirchúige BEO), Peil na mBan Beo (peil na mban . . . BEO!!) agus Rásaí na Gaillimhe (rásaí BEO ó Ghaillimh).

Bhí cispheil á thaispeáint ar IBA Beo, sacair ón Spáinn ar Olé! Olé agus d'fhéach slua mór ar cluiche ómóis Tommy Boyd idir Glasgow Celtic agus Manchester United.

Clár eile a déanadh ná The Health Show. Seo clár beo faoi chúrsaí sláinte a craoladh uair sa tseachtain ón stiúdeo sa Rinn. Is do RTÉ 1 a déantar an tsraith seo - an chéad shraith stiúideo beo do RTÉ a craoladh taobh amuigh de Dhomnach Broc agus é léirithe ag comhlacht neamhspleách

Cláracha fáisnéise eile a déanadh do TG4 ná Laochra Gael, Buail Bóthar, Éire Fo-Thoinn agus Mo Cheol Thú - Scéal Chiareain Mhic Mhathúna.

Maraon leo sin, tá sraith eile de Éire Fo-Thoinn agus Laochra Gael á dhéanamh faoi láthair.