Dán na Míosa, Feasta, Eagrán Mí na Nollag 2000 aistrithe ag Liam Prút Iomainn Nollag	Feasta na míosa seo

Fadó riamh i gCathair Dháibhí Fadó riamh i gCathair Dháibhí I gcró eallach mar a bhí Chuir an Mháthair Naí sa mhainséar Amhail i leaba ina luí Dob í Muire an Mháthair chaoin Dob é Íosa Críost an Naí. Tháinig Sé ó neamh ar thalamh, an Tiarna is Dia ar gach n-aon Ins an stábla fuair a lóistín, b'é a chliabhán an mainséar Le bochtáin do bhí 'na chónaí B'é a shlánaigh sinn ón mbás Ard-Rí an ghrá sé m'aoire é Ard-Rí an ghrá sé m'aoire é Is buan a mhaith fad mhairim Ní gá dom faic má bhím aige 'S ann dom é go deireadh Le ciumhais sruthán na n-uiscí beo Chun suaimhnis treoraíonn m'anam Ar thailte féir ag fás gan feo Ar chothú naomh sea mhairim Ba dhallta dúr mar chuas ar fán Níor lú a ghrá dom tharrtháil D'ardaigh go hard ar a ghualainn shéimh Is ba ghairdeach thug mé abhaile.

A oíche naomh A oíche naomh Is geal sa spéir na réalta Oíche bhreith Chríost Thug slán sinn ón mbás B'fhada an domhan Fé pheaca is fé earráid Gur tháinig Sé Is gur ghin ionainn grá De dhóchas ard Tá lúcháir ar an saol bocht Is ann atá An mhaidin ghlórmhar bhreá Cromaíg go humhal Tabhair aird ar cheol na n-aingeal A oíche Dé A oíche bhreith ár dTiarna A oíche Dé, a oíche Dé. Fé threoir na Cré ag soilsiú ina gcroíthe Ár gcroí lán grá i ndeas dá chliabhán Fé threoir an réalt ag taitneamh ins na spéartha tháinig an triúr an bóthar anoir Féach Rí na Rí 'na luí go humhal sa mhainséar Pé fad ár mbuairt ár gcara é sa chúirt 's eol dó ár ndíth Ár laigíocht tá soiléir dó Seo Rí na naomh Ar do ghlúine ina láthair Seo Rí na naomh, seo Rí na naomh. Eisean a mhúin dúinn A chéile a ghráú Dlí Dé an grá A shoiscéal síocháin Briseann slabhraí An daor, 'sé ár mbráthair 'gus faoina réim cuirtear leatrom chun fáin le háthas croí gabhaimidne ceolta buíochais de chroí iomlán gabhaimidne buíochas Dó 'Sé Críost an Triath tá a Ainm síor le móradh Is ard go deo a Ainm is a ghlóir Is ard go deo a Ainm is a Ghlóir. - i gcomhar le Siobhán Prút.

© Feasta agus na Scríobhneoirí

< feasta  ar an idirlín >