 |
Pádraig is ainm domsa. Bheartaigh mé, agus mé ar saoire in Tenerife, beagáinín foilsitheoireachta a dhéanamh ar an nGréasán Domhanda. Ar an mbealach sin bheinn páirteach sa teicneolaíocht seo atá mar slí bheatha agam. Níl mé cinnte go fóill conas a éireoidh liom ach bainfidh mé sult as an iarracht. |
|
Ar ndóigh aontaíom le Jakob Nielson gur "droch-rud a bhíonn sna frámaí de gnáth", tá mo dhícheall déanta agam na rudaí úafásacha a sheachaint. Déanfaidh mé iarracht úsáid a bhaint as giotaí eile de chuid HTML (táblaí, srl. ) le cuma níos fearr a chur ar na leathanaigh seo a fhad is nach gcuireann sé sin isteach ar an scrollú ná ar an gclódóireacht - mar a dhéanann frámaí. Níl aon rud ró-iontach faoi tháblaí ach oiread - bain triail as an bhfuinneog seo a laghdú níos lú ná leithead an tábla thuas - bogfaidh an téacs seo go breá ach beidh an tábla thuas docht go leor. Ar deireadh, más rud é gur trí pdeburca.com a tháinig tú ar an lch seo - ní féidir liomsa aon rud a dhéanamh mar gheall ar na frámaí ansin; sin é an praghas a íocaimse as an "bhfearann", agus is fiú go mór é. Más fuath leat amach is amach iad, bain úsáid as: http://homepage.eircom.net/~pdb/index.html ina áit.
Seo mo scéal:
I mBaile Átha Cliath, Éire
atá cónai orm ach is as Port
Láirge - atá 100 míle (160km) ó dheas ó
Bhaile Atha Cliath - mé.
Tá clú ar Bhaile Átha Cliath de bharr James Joyce agus a leabhar 'Ulysses' agus mar áit bhreithe Guinness. Tá dea-cháil ar Phort Láirge de bharr Ghloine Phort Láirge agus droch-cháil de dheasca Gilbert O'Sullivan. Tá stair fhada glórmhar ag Éirinn - baineann formhór di le troid agus fulaingt faoi ionróirí eachtrannacha. Maith go leor - tá mé ag cur leis sin beagáinín - níor thosaigh sin ach tuairim is 1,000 bliain ó shin nó mar sin.
Tá mé
pósta le hÍde
agus tá beirt pháiste againn: Bláithín
(10) & Aisling (7).
Imríonn na páistí camógaíocht le Cumann CLG Naomh Uinseann.
 |
 |
Tá cónaí
ar mo dheartháir Kieran
i mBaile Átha Cliath freisin. Griangrafadóir is ea é
agus taitníonn a chuid oibre go mór liom - ach go háirithe
an t-ábhar poiblí. Seo cúpla sampla
maith.
Teaghlach eile:
mar a dúirt mé, is as Port Láirge dom agus tá
cónaí ansin fós ar mo mháthair May, mo dheirfiúr
Mary, agus mo bheirt deartháireacha Seamus agus Dermot. Fuair m'athair,
Paddy, bás tar éis dó a shaol a chaitheamh ag tabhairt
seirbhís den scoth do mhuintir na cathrach agus do mhuintir dheisceart
Chontae Chill Chainnigh mar fear poist.
Le bheith cruinn
faoi, is i bhFionnradharc, i mBaile Átha
Cliath atá cónaí orm. Tá baint agam le Chumann Mhuintir Fionnradhairc leis na blianta anuas - gach
uair a dhéanaim iarracht an eagraíocht dheonach (mar dhea)
seo a fhágáil, tarlaíonn rud mór éigin
eile sa chomharsanacht. Is é an rud is déanaí ná
moladh go dtógfaí 100 árasán
nó mar sin ar shuíomh 5 theach ag bun mo bhóthair.
Sa Chumann sin bhí baint agam freisin le feachtas Chumann na nÁitritheoirí
Comhaontaithe in aghaidh Thollán Chalafort Bhaile
Átha Cliath.
Ós rud é go bhfuil an bhliain 2000 buailte linn, tá eagraíocht arb ainm di Cumann Mílaoise an Casino ann freisin. Tá an eagraíocht sin ag eagrú roinnt imeachtaí pobail le ceiliúradh a dhéanamh i gcomhair na Mílaoise i gceantar Marino / Fionnradharc / Charlemont. Is mise ionadaí an phobail freisin ar Bhord Choláiste Marino. Bhíodh baint agam freisin le Raidió Pobail Thuaisceart B.Á.C. (ba ghnách gur ag cur clár ceoil thraidisiúnta i láthair a bhínn) - ach b'shin fadó fadó ó shin - ach corruair fós bímse ar an stáisiún a d'eascair as : NEAR fm (Raidió Oir-Thuaisceart B.Á.C.).
De bharr na n-imeachtaí sin go léir, luaitear mé sna nuachtáin áitiúla ó uair go chéile. Féachaigí, mar shampla, trí comhaid Northside People.
Céard
faoi mo phost? Táim ag obair do PriceWaterhouseCoopers
le 12 bhliain anuas. Bhí neart post agam leo, agus iad go léir
taobh istigh den réimse
oibre is fearr agamsa - an ríomhaireacht. I láthair na huaire
tá mé ag múineadh an dreama is sinsearaí de
na hiniúchóirí chun an úsáid is fearr
is féidir a bhaint as na bogearraí agus na crua-earraí
atá ar fáil dóibh. Tá pleanáil, buiséadú,
obair ar B2M, riarachán, bainistíocht, ríomhchlárú,
bogearraí a thástáil, córais a fheidhmiú,
cuidiú pearsanta agus cuidiú ar an teileafón, déanta
agam, chomh maith le neart rudaí eile, ar son PWC. Tá an-bhród
orm mar gheall ar an mbaint a bhí agam le seoladh scaireanna Irish
Permanent, a bhí, ag an am, ar an seoladh poist ba mhó in
Éirinn.
Roimhe sin bhí mé ag obair sa Príomh-Oifig Staidrimh mar Thaiseoir Córas (tig leat an milleán a chur ormsa de bharr an Innéacs Praghasanna Mórdhíola agus an Suirbhé ar Struchtúr Feirme, i measc nithe eile). Roimhe sin, chaith mé 4 bliana i m'Oifigeach Feidhmiúcháin sa Roinn Talmhaíochta. Fós féin, is ábhar ionaidh dom é go bhfuil an ríomhaire pearsanta ar a bhfuil mé ag clóscríobh an chláir seo níos cumhachtaí ná an mór-ríomhaire a bhí in úsáid agamsa 20 bliain ó shin i gcomhar na suirbhéanna ar fhéar agus ar bhillí talún do gach feirmeoir sa tír, chomh maith le AI na muc (agus ní 'artificial intelligence' atá i gceist agam).
Polaitíocht:
Is ball bródúil mé de Pháirtí
Lucht Oibre na hÉireann. Bhí mé san iomaíocht
sna toghcháin áitiúla in 1999 i gceantar toghchánaíochta
Chluain Tarbh.
Is dócha go bhfuil mé ar eite chlé an pháirtí
de bharr nach dóigh liom go bhfuil gach réiteach ag an saormhargadh.
Creidim sa trádáil chothrom - ní sa tsaorthrádáil.
Gaeilge
