Bunaíodh Gaeltacht Ráth Cairn sa bhliain 1935 nuair a chuir seacht gclann is fiche as Conamara, go háirithe as cheantar na n-oileán agus ón gCeathrú Rua, fúthu ar thalamh a bhí faighte ag Coimisiún na Talún i gContae na Mí. Ba é ceann de na smaointe b'fhadradharcaí i gcursaí athbheochana na Gaeilge riamh. Tugadh teach Coimisiúin, feirm dhá acra is fiche, capall, cráin mhuice is bainbh agus uirlisí bunúsacha talmhaíochta do ghach clann. Sa bhliain 1937 tháinig aon chlann déag eile chun cur fúthu i Ráth Cairn. San iomlán, d'aistrigh 443 duine ó Chonamara go gabháltais nua i gceantar Rath Cairn le linn na tréimhse seo. Ba í an t-aon áis phobail amháin a tugadh don phobal nualonnaithe seo ná an Scoil Náisiúnta, Scoil Uí Ghrámhnaigh, atá in úsáid fós. Seachas sin fágadh an Ghaeltacht nua seo ar a conlán féin.