Bunaíodh Gaelscoil Choráin i 1983. B'é an chéad gaelscoil bunscoile a cuireadh ar bun i gCo.Chorcaí, seachas modhscoil nó dhó a bhí seanbhunaithe os na caogaidí. Ceiliúrann ainm na scoile, naomh áitiúl, Naomh Choráin, a d'fhoghlaim agus a chónaigh i gceantar na hEochaille i 800 A.D. Tá an-chreidiúnt tuillte acu siúd a bhí sáite i mbunú na scoile, agus na tuismitheoirí sin a thóg léim sa dhorchadas, nuair a chláraigh siad a bpáistí sa ghaelscoil.
 |
An tUachtarán ar cuairt i 1992
 |
Bhí an scoil lonnaithe i dtosach i bhfoirgneamh i Sráid
na hEaglaise, san áit a mbíodh an sean chéard scoil
a bhí mar reamhcheapadh Choláiste Eoin. B'oiriúach
an suíomh é mar bhí eaglais, St. Mary's Collegiate
Church, i ngiorracht cúpla slat uaidh, áit a bhí
mar ionad foghlama cáiliúil sa 9ú céad.
Bhí an t-adh linn bunús buan a bheith againn agus bhí
na seomraí compórdach. Ag breathnú siar, ba shainiúl
an laithreán é, sáite sa stair, agus idir óg
agus aosta mar chuid de phobal na sráide sin.
Chun féachaint ar daoine cáiliúla eile a thug cuairt chun na scoile LUIGH ANSEO
Fé mar a bhí uimhreacha daltaí na scoile ag dul i
méid, áfach, bhí sé soiléir go raibh
foirgneamh nua agus níos oiriúnaí ag teastáil.
Bhí an t-adh linn go bhfuaireamar deis bogadh isteach sa bhrú
nua i Sráid na Trá, áit a chuir na Bráithre
Críostaí an t-oideachas chun cinn ar feadh na blianta. I
1997, thosnaigh obair na foghlama i láithreán nua, agus
le háiseanna cearta, chuaigh saol na scoile i bhfeabhas. Cé
nach dtógaimid aon aird ar áiseanna ar nós clós
na scoile, leithrisí cearta, halla agus morán eile anois,
is mó meas orthu atá acu siúd a dhein tréan
iarracht chun iad a chur ar fáil. Ba chúis mhór cheiliúradh
é nuair a d'oscail an tAire Oideachais, Mícheál Ó
Mairtín, Gaelscoil Choráin i Sráid na Trá
i mí an Mheithimh 1998.
Suíomh nua i Sráid na Trá.