Bunscoileanna
Seachtain sa Ghaeltacht
-do dhaltaí Gaelscoile
-Luan go hAoine (Mean Fómhair go Meitheamh)
Deis iontach í seo do phaistí Rang 5 & 6 saol na Gaeltachta a bhlaiseadh ar feadh 5 lá. Téann siad 'ar scoil' lena mhúinteoir féin i rith an lae agus eagraíonn cinnirí imeachtaí spóirt, amhránaíocht, rince agus turas dóibh um thráthnóna. Féadfaidh múinteoirí a rogha dátaí agus clár imeachtaí a roghnú.

Le haghaidh sonraí ar Chúrsaí Lae an tSamhraidh, deán teagmháil leis an bPríomhoifig.

Meanscoileanna
Cúrsaí Gníomhaíochta Dhá Lá
-i rith na seachtaine/deir. seachtaine ( M.Fómh - Meith.)
Bíonn ranganna, turais, spóirt, drámaíocht, céilithe agus go leor eile ar fáil do ghrúpaí meánscoile le linn na scoilbhliana ar fad. Eagraionn foireann múinteoirí agus cinnirí Ráth Cairn an cúrsa seo a mbíonn an-tóir air, agus cabhraíonn sé go mór chun a thaispeáint do dhaltaí go bhfuil spraoi ag baint leis an nGaeilge freisin..cuma céard é an leibhéal cumais atá acu. Féadfaidh múinteoirí a rogha dátaí agus clár imeachtaí a roghnú.

Cúrsaí le haghaidh Scrúdaithe (Gaeilge, Fraincís & Gearmáinis)
Dianchúrsa Acadúla
-teastas Sóis. agus Ardteist.
-deireadh seachtainí (Deire Fómhair go Nollaig amháin)
Clúdaíonn an tsraith seo de 6 cinn de dheireadh seachtainí an cúrsa don scrúdú Gaeilge agus d'ábhar roghnaithe eile (Fraincís nó Gearmáinis). Bíonn seisiún staidéir faoi mhaoirseacht ann mar chuid den chlár ama, rud a thugann an deis do na daltaí díriú ar ábhair eile. Caithfidh leibhéal áirithe líofachta sa Ghaeilge a bheith ag na daltaí. Ba chóir do thuismitheoirí/caomhnóirí na háirithintí agus na socraithe taistil a dhéanamh. I gcás go mbíonn grúpa daltaí ag taisteal ón gceantar céanna, féadfar seirbhís bus a réiteach ach í a iarraidh.

An Scrúdú Cainte Gaeilge
-Ardteist.
-deireadh seachtainí (M. Fómhair go Meitheamh)(Sept. - June)
Díríonn an cúrsa riachtanach seo ar an dalta a ullmhú don scrúdú cainte Gaeilge - déantar tástáil insamhlaithe agus faightear aiseolas chomh maith. Féadfaidh tuismitheoirí/caomhnóirí nó múinteoirí na háirithintí a dhéanamh.

Cúrsa Réamhscrúdaithe
Gaeilge, Fraincís & Gearmáinis
-deireadh seachtainí ( go déanach i Mí Eanáir)
Díríonn an cúrsa riachtanach réamhscrúdaithe seo ar an dalta Ardteiste a ullmhú dona scrúdaithe cainte sa Ghaeilge agus i teanga roghnaithe eile (Fraincís nó Gearmáinis). Freastalófar go cothrom ar an dá ábhar i dtimpeallacht chumarsáideach foghlama. Féadfaidh tuismitheoirí/caomhnóirí nó múinteoirí na háirithintí a dhéanamh.

Turasanna agus Imeachtaí breise gur feidir a eagrú:

• Cuairt an bPortach!
• Brú na Bóinne
• Sliabh na gCailligh
• Baile Átha Throim
• Ceannanas Mór