|
Sainchúrsaí
Tá gnáthchúrsaí againn atá saincheaptha le haghaidh
gach grúpa ar leith. Is é Ráth Cairn an suíomh idéalach
le haghaidh ghrúpaí gairmithe (e.g. múinteoirí, dlíodóirí,
státseirbhísigh, dochtúirí, banaltraí, srl.) agus le
haghaidh eagraíochtaí (stáit agus fo-stáit, gnó, sóisialta)
le riachtanais fhoghlama teanga nó neartaithe foirne. Féadfar
freastal ar ghrúpaí móra agus beaga (ní bhíonn níos mó
ná dáréag le gach teagascóir) agus bíonn an rogha ag na
grúpaí a dteagascóirí féin a thabhairt leo.
Cúrsaí Dheireadh
Seachtaine (ar siúl
i rith na bliana ar fad)
Cúrsa 7 lá nó Cúrsa
14 lá - Satharn
go Satharn (ar siúl Deir. Fómhair go Bealtaine)
Cúrsaí
Oscailte
Féadfaidh daoine aonair, grúpaí agus eagraíochtaí beaga
a dteastaíonn uathu a bheith i gcomhluadar le daoine ó ghrúpaí
eile eolas a lorg faoinár gcúrsaí oscailte. Sa gcaoi seo
féadfaidh daoine aonair agus grúpaí beaga ar chumais éagsúla
teanga páirt a ghlacadh sa spórt is spraoi.
Cúrsaí Dheireadh Seachtaine
(Meán Fómhair go Bealtaine)
|
Saoire
Chultúir
Lig do scíth agus bain taithneamh as an nGaeltacht mar
ionad saoire le héagsúlacht. Tá an Mhí lán de chultúr,
tá cuid mhaith le hofráil aici dóibh sin atá ar thóir
na heachtraíochta agus na scíthe. Eagraítear ranganna
Gaeilge do gach leibhéal cumais in éineacht le tráthnóntaí
sóisialta, ranganna damhsa, turais agus cainteanna faoin
gcultúr. Tá an damhsa seit, na seisiúin cheoil thraidisiúnta,
an amhránaíocht, an damhsa ar an sean-nós, na céilithe,
gan trácht ar an gcraic, ar fad mar chuid de thuras go Ráth
Cairn, turas a mheallfaidh ar ais thú.
Scíth 7 lá -
Satharn go Satharn (ar siúl i mí Iúil agus i mí Lúnasa
amháin)
|
|
Mic
Léinn Triú Leibhéal (3rd level courses)
Is iad riachtanais na mac léinn a shocraíonn ábhar na gcúrsaí
seo. Cuirfear teagascóirí ar fáil, nó féadfaidh na coláistí
a dteagascóirí féin a chur ar fáil, agus úsáid a
bhaint as Ráth Cairn mar ionad seimineár. Bíonn tráthnóntaí
sóisialta, turais, cainteanna faoin gcultúr, agus ranganna
sa damhsa seit, san amhránaíocht, sa damhsa ar an sean-nós
agus céilithe ann mar chuid d'atmaisféar ilchodach Ráth
Cairn.
Rogha Clár:
Cúrsa Dheireadh Seachtaine
(Meán Fómhair go Bealtaine)
Cúrsa Coicíse
(Meán Fómhair agus Cáisc)
|
