Nótaí Bitheolaíochta:

Tagann an Coimhthíoch ar an saol i bhfoirm uibhe.
An Bhanríon a bheireann na huibheacha ina gcéadta.

Tá trí chéim sa saol.

An Chéad Chéim: Aghaidh-Ghreamaitheoir
Níl d'aidhm ag an gcéim seo ach áit chónaithe nó óstach a fháil don Coimhthíoch Mór - síos an scornach agus isteach san ucht.

Céim a Dó: Ucht-Phléascthaitheoir
Sa chéim seo pléascann an coimhthíoch as ucht an óstaigh chun dul ar thóir bia.

Céim a Trí: Praetorian
Seo an Coimhthíoch Mór Fásta.

Ceithre Scannáin atá déanta go nuige seo sa tsraith:

ALIEN le Ridley Scott

Tagann an spáslong Nostromo ar fhógra rábhaidh ó phlainéad áirithe agus téann siad ag fiosrú an scéil. Faigheann siad créatúr fíor-aisteach agus scanraíonn sé go smior iad. Ní fheicimid an Coimhthíoch ach ar éigean ach sin cuid mhór den sceimhle. Éiríonn le Ripley amháin teacht slán.

Tom Skerritt .... Dallas
Sigourney Weaver .... Ripley
Veronica Cartwright .... Lambert
Harry Dean Stanton .... Brett
John Hurt .... Kane
Ian Holm .... Ash
Yaphet Kotto .... Parker

ALIENS le James Cameron

Caoga bliain ina dhiaidh sin tagann spáslong eile ar Ripley ina codladh agus tugann siad ar ais go dtí an domhan í. Faigheann sí amach go raibh daoine ina gcónaí ar an bplainéad sin anois. Téann sí ar ais go dtí an áit le scata saighdiúirí chun an créatúr a mharú. Tagann sí ar chailín óg beo. Tá fear ann ón gComhlacht ann, Carter, agus tá sé ag iarraidh sampla den chréatúr a thabhairt ar ais go dtí an domhan.

ALIEN 3 le David Fincher

Titeann Ripley ón spéir anuas ar phlainéad atá in úsáid mar phriosún. Maraíonn an créatúr na céadta agus ag deireadh nuair a thuigeann Ripley go bhfuil an créatúr ag fás istigh inti, cuireann sí lámh ina bás féin.

ALIEN 4 le Jean-Pierre Jeunet
(Alien Resurrection)

Tá 200 bliain imithe agus tugtar Ripley arais ina beatha tríd an gclónáil. Leanann sí uirthi ag troid leis na créatúir fhíochmhara. Tá Winona Ryder ann leis mar róbó.