Ag tosach na bliana shuíomar síos leis an Uasal Ó Buachalla agus phléamar cad ba cheart dúinn a dhéanamh sa ghairdín. Shocraíomar ar 6 roinn a dhéanamh sa ghairdín agus rinneamar amach plean faoi leith do gach ceann de na ranna siúd. Bhí orainn imeall a roghnú, bláthanna a roghnú, agus roinnt cabáiste. Ansin bhí orainn mór-imeall eile a dhéanamh timpeall orthu ar fad. Ansin líonamar na himill le sliseoga adhmaid. Thóg an obair go léir thart ar cúig seachtain san iomlán.

Karl Mac Conbhuí in Agallamh Leis an Uasal Ó Buachalla

KMC: Cén bhliain ar thosaigh an gharraíodóireacht anseo? RÓB: Thosaigh an gharraíodóireacht sa bhliain 1995 leis an gcéad IdirBhliain! KMC: Cén áit ar thosaigh tú leis? RÓB: Bhí an chéad gharraí againn suite ar chúl an Chaisleáin. Bhí glasraí againn ansin agus crainn torthaí. D'fhágamar an áit mar bhí sé ró-chlochach le saothrú. Agus d'ith na coiníní gach uile ní! KMC: Cé a chuimhnigh ar an ngarráiodoireacht a dhéanamh ar dtús? RÓB: Mé féin, is dócha! KMC: Cé atá i gceannas ar gharraithe na háite? RÓB: Mise arís. Timpeall trí bliana ó shin (1996) bhogamar an garraí go dtí an áit ina bhfuil sé anois - os comhair na scoile. Is gairdín foirmiúil é. Tá sé leagtha amach ina leapacha rialta 8 x 8. Tá Fál Griselinia curtha timpeall ar an iomlán agus nuair a fhásfaidh sé sin suas beidh an gairdín dúnta isteach ar fad. Tá fál beag "bosca" timpeall ar gach leaba chomh maith. KMC: Conas a shocraigh sibh cad iad na plandaí a churfeadh sibh ag fás? RÓB: Na daltaí féin a rinne an socrú sin. Fágadh an obair (gortghlanadh, romhar, cur srl) fúthu féin. Bhí buiséad £25 an leaba ar fáil. KMC: Cad iad na plandaí atá curtha go dtí seo? RÓB: Tá meascán de bhláthanna bliantúla - Priomúl, Bleibíní, Lus an Chromchinn, Tiúilip, Dáilia, Gladíolas KMC: Go raibh maith agat. RÓB: Fáilte romhat!