Léirmheas le Seán Ó Fionnagáin

Seo scannán eachtraíochta atá chomh líon lán de ghluaiseacht scioptha go mbeidh faitíos ort bogadh ón teilifís ó thosach deireadh ar eagla go gcaillfeá faic.

Is iad Nicholas Cage agus John Malkovich na réaltaí móra.

Glacann scata priosúnach seilbh ar eitleán agus déanann siad iarracht éalú agus saoirse a bhaint amach.

Éiríonn leo dul go dtí áit an-aisteach.................

Ní déarfaidh mé níos mó ar eagla go loitfinn an scannán ar éinne nach bhfaca fós é.

Tá na gaiscí agus na cleasanna scannaíochta dochreidte maith sa scannán seo. Ní féidir é a shárú, dar liom. Tá an scéal ar fheabhas agus ní dóigh liomsa go bhfeicfidh mé ceann níos fearr choíche.

Nuair a bhí sé ar taispeáint ar SKY PREMIER tamall ó shin, fuarthas amach go raibh an lucht féachana ba mhó riamh ag breathnú air.

Scannán dubh agus bán atá anseo i dtosach. Ansin, de réir a chéile, tagann na dathanna isteach.
Tá an saol as a riocht anseo agus an chaimiléireacht in uachtar. Tá an choiriúlacht ó smacht agus is suarach an saol é.
Níl ach an t-aon rud maith amháin sa saol seo: is é sin, clár teilifíse darb ainm "PLEASANTVILLE". Is é atá sa chlár seo ná sráidbhaile atá glan ar fad. Níl aon rud coiriúil ná cam ag baint leis.
Lá amháin, agus an buachaill seo, Dave, agus a dheirfiúr ag breathnú ar an gclár, tarlaíonn rud fíor-aisteach: súitear isteach sa teilifíseán iad fad is atá siad ag argóint faoin ngléas cian-athraithe.
Dúisíonn siad istigh sa sráidbhaile seo Pleasantville. Glacann an leaid le cúrsaí mar atá. Ní ghéilleann a dheirfiúr chomh héasca sin, áfach. Múineann sí giotaí faoina saol féin do dhuine agus athraíonn sé ón dubh agus bán go dtí duine daite. Ag deireadh tá gach aon rud daite.
Ar an iomlán, molaim an scannán seo. B'fhiú féachaint air.