Scríobh John Steinbeck an leabhar seo - Of Mice and Men - agus d'fhoilsigh William Heinemann Ltd é sa bhliain 1937. Tá an scéal suite in Soledad California. Beirt fhear atá i gceist sa scéal seo. Faigheann siad post ar fheirm agus súil acu gur féidir leo a bhfeirm féin a bheith acu lá éigin.
Is iad Seoirse agus Lennie an bheirt fhear i lár an scéil. Tá George beag, dorcha san aghaidh, srón tanaí cnámhach. A mhalairt ghlan is ea Lennie: fear ollmhór, aghaidh gheal mhílítheach, siúlóid tromchosach faoi, agus a dhá láimh ag luascadh gan stiúir. Tá sé cineál mall-aigeanta, páistiúil. Braitheann sé go mór ar George.
An fear a d'fhostaigh George agus Lennie, tá sé an-chliste agus an-lách. Tá mac aige, Curley, agus is duine gránna uafásach é. Is bulaí é agus bíonn sé i gcónaí ag piocadh ar Lennie. Is cosúil go bhfuil fadhb aige le daoine atá níos mó ná é féin. Tá sé beag agus téagartha. Tá sé pósta le bean dea-chumtha. Buaileann sé í nuair is mian leis. Ceapann sí go bhféadfadh sí bheith ina haisteoir cáiliúil. Leagann sí an milleán ar Curley.
Tá daoine eile sa scéal ach is mion-charachtair iad - Stable Buck agus Carlson, mar shampla.
Tá an scéal suite ar fheirm in Soledad, California. Tá an fheirm seo an-mhór agus tá a lán daoine ag obair ann. Cónaíonn na hoibrithe i mbothán atá suarach go leor. Tá sé an-bheag. Cónaíonn Curley agus a bhean leis an úinéir.
Ar feadh tamaill tá gach rud ag dul ar aghaidh go hálainn ach toisc nach bhfuil Lennie cliste go leor, téann cúrsaí ó mhaith. Ar dtús bíonn troid aige le Curley agus ag deireadh, maraíonn sé bean Curley de thimpiste. Téann sé i bhfolach i measc na dtor. Téann George ina dhiaidh agus nuair a thagann sé suas leis níl an dara rogha aige. Tógann sé an gunna agus scaoileann sé Lennie sa chloigeann.
Tá go leor coimhlintí sa scéal: tá argóint ann idir Lennie agus George toisc go ndéanann Lennie dearmad ar chomhairle mhaith. Fós ní thiteann siad amach lena chéile riamh. Is cairde buan iad.
Ansin tá an choimhlint ann idir Curley agus Lennie. Ionsaíonn Curley é ach briseann Lennie a lámh.
Úrscéal réalaíoch a bhí ann, dar liom. Bhi an scéal go maith ach bhí sé mall in áiteanna, cheapas.

Seo leabhar Gaeilge a léamar i mbliana sa rang.
An comhlacht Scoileanna agus Coláistí a d'fhoilsigh é sa bhliain 1994.

Tagann an fear seo abhaile lá, agus deir na gardaí leis go bhfuil a mhac i ndiaidh bás a fháil sa bhFrainc. Tá sé féin agus a bhean scriosta. Bhí an mac imithe uathu le bliain. Bhí sé tugtha don chearrbhachas agus bhí sé tar éis airgead mór a thógáil ón mbanc faoi ainm a athar....
Téann Pól go dtí an Fhrainc leis an sáirsint ach ansin faigheann sé amach go bhfuil a mhac fós beo. Téann sé á lorg. Tagann sé air de thimpiste ag stáisiún traenach. Leanann sé é. Feiceann sé a mhac ag caint le fear eile. Tugann Colm pacáiste drugaí don fhear eile. Leanann Pól é ansin go dtí teach i lána beag dorcha. Beireann muintir Turner air agus cuirtear faoi ghlas é amuigh sa tseid ar chúl an tí. Tamaillín ina dhiaidh sin, caitear an garda isteach leis, agus é brúite bataráilte go dona. Tar éis tamaill, ligeann Colm amach iad ach téann sé féin ar ais isteach sa teach. Maraíonn Turner é le piléar. Ansin pléascann an teach.

Thaitin an leabhar seo liom. Bhí sé corraitheach agus ní bheadh fhios agat roimh ré céard a bhí le tarlú.